Günter Kunert

Vespere elegie

Fora strato
ne enrigardebla de la fenestro
troviĝanta en la tenebro
tie preterveturas lumpunkto
kometobrilo
fizike malaltigita
ĉielosigno
pereiga anonco
pri io
reflektora meneteklo
kvazaŭ mangesta sciigo
revelacio
sole al vi sciigita
al a postvitra figuranto –
el tiu sfero
el kiu oni kutime
ne ricevas respondon.


El: Kiam la vivo estis senkosta. Poemoj

tradukis Cezar